鷹君、新地及恒地都話分拆REIT上市，當然有快有慢，跑過先知，但鷹君似乎已經得到持有花旗銀行廣場10%嘅嘉里建設嘅同意，要出線應該唔難，近數月，鷹君都頻頻出手催谷個場，造吓勢先。
好似佢哋請咗美國新晉靚女畫家ErinCrowe嚟香港，喺個場度搞個「HongKongFinancialGurus」畫展，咪以為藝術嘢唔關金融事，呢位畫家係畫前聯儲局主席格林斯潘畫像成名，美聯社、華盛頓郵報及CBSNews都有訪問過佢。
佢今次除咗帶幾幅成名作嚟畀大家欣賞，亦會同本地財金名人畫畫留念，包括曾長官、唐司長、馬局長，同任總等等。個畫展由今日起，展期只得七日，想去睇要行快步，想畫番張嘅難啲囉。