李彩華及楊婉儀等前日在中環IFC出席Loewe手袋活動，李彩華表示早前往佛山登台，險遭現場熱情fans博懵，她說：「我返內地登台已經有經驗，一定唔會着裙，次次都着牛仔褲，嗰晚喺佛山登台時，差啲俾fans拉咗我落台，佢哋摸我塊面、仲搣我手臂、大髀，差啲俾人胸襲㖭，另外有一個fans仲想搶我手上隻戒指，佢捉住我隻手話：『畀我啦、畀我啦。』之後我就即刻快快手除咗隻戒指畀助手保管。」
感冒入侵
此外，楊婉儀前日獲大會送贈一個價值萬多元的手袋，並現場掏腰包再買一個近八千元的手袋，她表示自己患了感冒一星期，為了不傳染女兒，足足整個星期沒有與女兒親嘴。
採訪:梁錦雯 攝影:陳志嵐