多年來任服裝品牌代言人的劉德華，昨天出席該牌子一間分店開幕禮，與女模特兒行catwalk，身為天王的華仔公開自己穿細碼內褲，故不敢接拍內衣廣告。
劉德華昨日以Baleno代言人身份，在慈雲山中心出席該品牌第一百間分店開幕禮，活動上他還應司儀要求，為一位男士襯衫，當對方穿上白色的T恤時，華仔笑言二人像穿了斷背Tee，引起現場歌迷大笑。
冇cup數之分
華仔已為該品牌擔任了多年代言人，他笑言每年酬勞加一倍外，還提議該公司出產內衣褲，說時還口快快透露了自己穿細碼內褲。華仔說：「我提議過佢哋出內衣褲，但係佢哋話要我做埋代言人喎。我唔可以影嗰啲相㗎！因為我着細碼，咁點影啫？」記者笑指他身材只屬一般，他即解釋說：「男仔都唔係好似女仔咁分A、B、C、D嘅。」問到他在台上笑說穿了斷背Tee，華仔說：「咁我哋係一身牛仔造型嘛﹗」
害怕狗仔隊
另外，對法律改革委員會建議政府立法管制私人地方秘密偷拍一事，華仔表示記者最好先考取記者牌，他說：「聽咗咁多人講，我覺得仲要好多時間去研究呢個問題，但我覺得記者應該要考番個證，好似保安員都要考保安牌啦！我係驚佢哋愈影愈過份啫﹗如果我企喺個廁格，佢突然影我相，咁點？如果記者考咗牌，在正常或者理性嘅操作下，如果藝人都受到影響嘅先再反思啦！」
不過華仔表示他的一些圈中朋友，就對狗仔隊感到害怕，但他沒有想過防偷拍的方法，華仔說：「未諗到喎﹗如果喺屋企都要拉窗簾，咁就好辛苦，家不成家。有個圈中朋友話見記者好似遇到壞人，覺得生命有危險受到威脅咁，當然做藝人係應該要承受壓力，但唔係用咁嘅態度。」
採訪：王連連 攝影：仇志德
