城市大學近排繼校長張信剛下年退休,城大兩名副校長黃玉山同高彥鳴雙雙跳槽去科大後,城大高層將面臨真空狀態。八方收到風,城大原來已選到新嘅接棒人選,仲會喺今日宣布有三個新副校長,佢哋就係城大科研及研究生院院長王世全、城大本科生教務長何炘基及城大人力資源處處長古羅燕蘭(EllenYLKO)。
雖然城大暫時總算搵到副校長人選,但有大學教授透露,由於大學界嘅高層將於今年、明年大換班,所以好多獵頭公司都會向有潛力嘅院長級人選發邀請信,部份人士更獲兩封或以上嘅邀請信。據知,前任城大副校長高彥鳴更成為大學界中嘅搶手貨,嶺大又想搵佢接任校長,理大又有意邀請佢做副校長,唔知高教授最後會點揀呢?
傳真︰2623-9278
電郵︰[email protected]