王瑞勳與楊婉儀○三年四月結婚，但因工作忙，王瑞勳婚後一年趁妹妹在德國結婚，才偕妻到巴黎及德國補度蜜月，參觀羅浮宮、聖母院及協和廣場等名勝。
楊婉儀說：「啲人成日話法國人冇乜禮貌，我反而覺得佢哋好nice，我哋唔係好識搭地鐵，問人點搭佢哋都好樂意幫手。」王瑞勳則說：「去到羅浮宮，個個都睇名畫《蒙羅麗莎的微笑》，點知講到明唔可以影相，有唔少人用電話、甚至用埋閃光燈影，我都只係影咗一張。」
經歷難忘
談到旅遊經，王瑞勳最愛陽光與海灘，最難忘是二十多歲時與胞姊及友人由三藩市出發，遊歷墨西哥及百慕達等地，他又愛參觀墳場墓地，他說：「去到百慕達一個墳場，好靚好寧靜，加上日落斜陽，感覺好舒服，一點驚嘅感覺都冇。」楊婉儀則說：「跟TVB去過莫斯科同聖彼得堡拍旅遊特輯，聖彼得堡到深夜兩點都未天黑，仲好似黃昏，呢啲係香港得唔到嘅經驗。」
