王菀之同張敬軒嘅緋聞真係像霧又像花，唔知兩人係做宣傳定係日久生情呢，噚日王菀之帶埋阿媽到尖沙嘴出席商台「Moto903遊行潮拜」活動時竟然自爆與軒仔冷戰一星期，佢話近日軒仔推出新碟，自己好心畀意見佢，點知對方反而責備佢唔識體諒，搞到佢好唔開心，於是就唔睬軒仔，不過講到兩人係唔係日久生情時，佢似是而非話：「生咗嘞，情仲好深㖭。」
