究竟充滿陽光氣息的任賢齊，胸肌有幾多吋？楊千嬅前晚就獻出第一次為大家解開這個謎。「新城唱好任賢齊．黃品源極品齊鳴音樂會」前晚在灣仔會展舉行，除任賢齊和黃品源兩位主角外，大會更請來楊千嬅和吳雨霏（Kary）擔任嘉賓。
「小齊搞我」
其間司儀拿出軟尺着千嬅為小齊度胸，一度令千嬅面黑，當千嬅把軟尺放在小齊胸部對落位置，其時司儀說：「呢度係胃唔係胸。」千嬅即反駁說：「我平時冇度開。」事後千嬅表示未試過為男人度胸，所以感到十分尷尬。而小齊的胸肌有三十八吋，「嘥士」適中。
早前鄭中基承認與千嬅的一段情為他帶來極大傷痛，對此千嬅說：「咁文藝呀，人生唔係只得愛情，痛會令人長大同成熟。」
此外，黃品源前晚在台上以唔鹹唔淡的廣東話說：「我嘅廣東話，係小齊『搞』（教）我。」嚇得小齊急忙澄清，揚言不想玩《斷背山》。
採訪：胡比 攝影：陳偉權
