戴思聰最近向鄭嘉穎（右）發律師信，要佢履行九三年嘅合約，將總收入10%畀戴思聰，後來佢又向傳媒公開一段錄音帶，聲稱鄭嘉穎教唆佢個女撕毀合約。身為鄭嘉穎表弟嘅王賢誌（左）噚日力撐老表話：「我老表一向冇乜唔好嘅新聞，但戴老師同學生反目嘅新聞就唔止一單，邊個有前科，邊個可信，大家可以判斷，偷偷錄音呢個動作，絕對唔係君子行為囉。」