張栢芝以十四萬一集接拍內地劇集《周璇》，呢輪佢已經喺上海開工，不過有報道話佢拍劇期間耍大牌，完全唔肯同劇中男演員潘粵明溝通，同劇組人員亦唔會講多句說話，有劇組人員話佢對住鏡頭都會有笑面嘅，但背住鏡頭就係另一副面口，經常黑面。唉！栢芝第一次返內地拍劇，做乜鬼要耍大牌，留個壞印象畀內地製作，有乜好處呢？