愚人節快到啦！這天終於可以肆無忌憚地作弄朋友，想一擊即中，當然要做好準備工夫，還要加少少演戲天份。今次介紹各種惡作劇用品，有驚嚇、有搞笑，記住玩時玩，唔好太離譜嚇喊朋友仔呀！
記者：小肥鵝
攝影：文尼哥哥
小Model：思蓓、泓鋑、仲文
第一級無聊玩意夠搞笑
整蠱朋友其實可以以搞笑為主，好似過癮的食具、屁袋、怪味糖等，雖然驚嚇程度不大，但勝在無傷大雅，唔怕反面！
點解會有愚人節？
相傳愚人節（AprilFool'sDay）源自法國。在公元十六世紀，法國查理九世改革新曆法，將原本慶祝新一年的4月1日改至1月1日。可惜當時通訊落後，不少住在偏遠地方的人及守舊派的人依舊於4月1日慶祝新年，結果被新曆法擁護者拿來開玩笑，在當天送假禮物、開假宴會等，後來逐漸演變成今天的愚人節！
搞鬼叉一拎即斷
這套叉羹最啱整蠱來你家作客的朋友，匙羹中央穿窿，你永遠舀不到流質的食物；而叉又暗藏機關，只要一叉起食物會自動向下，要吃東西真的有難度。
妙計：將叉及羹放食物中間，送至朋友面前，讓他當場出醜。
搞笑度：★★★★☆
售價：$20套（a）
鮮血番梘
雙手污糟了當然要清潔，誰知一洗手，竟然滿手血！救命！原來番梘內藏紅色染料，一濕水便會見紅，像流血一樣。
妙計：先弄污對方的雙手，他自然會用番梘洗手，奸計自然得逞！
搞笑度：★★★☆☆
售價：$10（a）
經典屁袋
經典搞笑的屁袋，會放屁全因其中有氣孔，每當有重量壓下，氣孔便會發出「砵」聲，若再配合你的表情，一定令朋友仔尷尬不已！
妙計：將屁袋放在梳化上，然後用布蓋着，朋友坐下時自然難以發覺！
搞笑度：★★★☆☆
售價：$18（a）
怪味全口味豆
愛吃糖果的你，若遇上哈利波特的柏蒂全口味豆，相信以後對糖必定存有陰影，糖果有嘔吐物、肥皂、蚯蚓等怪異味道，真係千奇百怪！
妙計：毋須用計，愛糖的朋友必定上當。
搞笑度：★★★★☆
售價：$20（b）
第二級似模似樣超驚嚇
若你的朋友膽子夠大，不妨玩一些會令朋友尖叫大罵的玩意，看着對方一臉驚嚇，必定令你捧腹大笑。
疑幻疑真昆蟲世界
蛇蟲鼠蟻外貌的確幾嚇人，若果突然出現必定令人大叫大嗌，這隻膠製蜘蛛的8隻腳帶有刺呢！驟眼睇的確幾似，除了蜘蛛，還有老鼠、小強等！
妙計：放在對方的抽屜、書包內，給他無限驚喜！
驚嚇度：★★★★★
曉跳舞蛋糕
饞嘴的人當然要以食物來「引誘」他們吧！打開這盒生果蛋糕，第一時間嗅嗅蛋糕的香味，那你便上當了，盒內的彈弓公仔彈出直撲向臉孔！
妙計：當然趁朋友仔肚餓時拿出來給他作「午餐」！
驚嚇度：★★★★☆
售價：$8（c）
電力澎湃
這個遙控器其實是一個一按即「發電」的神奇裝置，只要一按中央的按鈕，即會發電，感覺似被針拮般。由於曉放電始終較危險，適合10歲或以上的小朋友。
妙計：騙對方遙控器好像壞了，叫他看一看，到時候他一按掣便中計了。
驚嚇度：★★★★☆
售價：$14（c）
售賣點：
（a）天神村（21479283）
中環威靈頓街51號地庫B室
（b）JellyBelly
尖沙嘴海港城LCX內7E號舖
（c）金輝玩具（23903337）
旺角弼街G73號舖