上星期做足七日，諗住今個星期可以放假休息吓，點知又係忙到七彩，好在剛剛收到新一期《AutoEXPRESS》，睇到新一代蓮花Esprit終於現形，條氣先順番啲咋！講番部車，我睇完個報道之後，個腦不停響度問，呢架係Elise加咗個硬頂咋嘛？邊有可能兩部車咁似呀！不過，呢個的確係事實，新Esprit的確秉承了Elise的傳統，都係大玩輕量化高性能Style，咁唔怪得連個Look都咁似。至於用咩引擎？Sorry，唔知喎！事關車廠對呢件事冚得好密實，只知有可能也是來自豐田的產品，馬力輸出則可達到350匹，厲害呢！睇完之後想買起佢？得，等到2007年年尾吖唔該。
Mazda6MPS掀德日大戰
諗住睇完新Esprit之後就放低本書繼續做嘢，點知原來後半部重精采，原來係我發夢都掛住嗰部萬事得Mazda6MPS，跟福特MondeoST220和歐寶VectraVXR來了一場生死決，編輯們對Mazda6MPS讚多過彈，尤其是那個火紅色的錶板，佢哋話夠晒Attractive喎！至於結果係點？竟然是罕有地產生雙冠軍，由Mazda6MPS和VectraVXR勝出，其中性能表現和駕駛感覺都取得滿分，巴閉！
記者：鄭達基