三十八歲的單親婦余淑琴，月前帶着一對獲批單程證的稚女來港辦理證件，三母女一度無處容身，幸獲鄉里收留。目前，阿琴已與兩女租住天台屋，並安排她們入讀幼稚園，生活暫且安定下來。
「開頭住呢度都有啲唔慣，人生路不熟，我字又唔識多個，𠵱家感覺好好多，起碼叫做自由啲，唔使住喺人哋屋企。」阿琴說。
天台屋光線充足
記者所見，阿琴租住的單位雖是天台屋，但面積有二百呎，並有多個窗戶，光線充足，總比連一扇窗門也沒有的板間房好得多。「電視機同煮食爐係自己買嘅，其餘啲床同埋梳化就係業主借畀我哋用，算係樣樣齊。」
阿琴為內地人士，九年前在內地與港人王錫如結婚，婚後誕下兩名女兒秀銀和秀玉，現年分別六歲半及四歲半。去年三月，王錫如突然在家心臟病發昏迷，送院搶救無效，終年六十五歲。
善長捐款七千多
目前，阿琴持雙程證留港，社會福利署每月發放三千二百元生活費給她照顧兩女，另有租金津貼及學費津貼。阿琴已安排兩女入讀幼稚園，長女可望於本年九月升讀小一。
蘋果日報慈善基金曾於本年一月撥款二萬元給余女士應付三母女的生活，近日她另獲善長捐款合共七千四百六十元。
「好多謝咁多位好心人。學校嚟緊月底搞旅行，我見一個人要一百蚊，所以冇報名，兩個女見個個同學有得去，自己就冇份，所以好唔開心，𠵱家有呢筆錢鬆動啲，就可以同佢哋報名啦！」阿琴說。
捐款編號：C1902
暖流熱線
電話：29908688
傳真：23702192
電郵：[email protected]
網址： http://www.charity.atnext.com