雖然不少內地自由行旅客都愛來香港瘋狂購物、品嚐著名食府的頂級菜式，但王瑞勳和楊婉儀卻認為香港最吸引遊客的地方，是多元化的生活。
推介睇夜馬
二人推介一些平、靚、正的旅遊特色活動，就是乘搭天星小輪夜遊維港，並說：「唔少外國雜誌都極力推介呢個全球最平嘅交通工具，用兩毫子美金（編者按：船費分別是一元七角和二元二角港元）就可以睇盡五光十色嘅維港夜景。
「去睇夜馬亦都係好好嘅節目，跑馬地係世界上唯一喺市中心嘅馬場，加上燈光好有氣氛，十蚊入場費，係一個好好氣氛嘅娛樂場。」至於食嗰方面，二人都十分喜愛港式小食，他們說：「好似牛腩、魚蛋粉同酒樓點心，有平有貴都好好食。」