狄龍與太太陶敏明（Amy）結婚多年恩愛如昔，夫婦二人經常拖手出席公開場合，不過Amy好友林青霞，最近卻多次被指與丈夫邢李㷧婚姻亮起紅燈，Amy昨日就為好友澄清，力證青霞夫婦感情穩定。
出席邵氏活動
Amy說：「佢哋根本冇事，以前我信無風不起浪，但𠵱家就會覺得原來無風都會起浪，好似有人登咗我同青霞一齊飲茶嘅事，其實張相係好耐以前影，但竟然可以寫係噚日影，我開始發覺原來解釋都係冇用㗎！好彩青霞冇被影響心情，睇完報道當係笑話，哈哈笑完就算。」
此外，狄龍夫婦與鄭佩佩、焦姣、劉家輝等，昨日出席在灣仔舉行的「邵氏經典影友會成立聚會」，有近二百fans出席，該會目前約有五百會員，狄龍擔任榮譽會長。
採訪、攝影：魯萍