一向予人儍大姐形象嘅鄭融，噚日去咗港台出席普通話活動時，依舊發揮其鬼馬本色。鄭融無端端自己一個人喺度扮鬼扮馬，唔顧儀態擘大個口雙眼向外望，之後兩隻手仲不停係咁轉嚟轉去。事後鄭融話係因為突然間諗起自己一首歌嘅舞蹈動作，不過佢就將啲舞步稍為改良，變為搞笑版咁話。