陳苑淇（左）同謝安琪（右）都算係樂壇生力軍，雖然資歷尚淺，但已經做到歌唱比賽評判，噚日佢哋喺尖沙嘴擔任「大專聯校歌唱比賽」評判。 陳苑淇覺得參賽者水準好高，仲有人唱意大利歌劇㖭，原來陳苑淇都有鋪參加唱歌比賽癮，讀小四時已參加卡拉OK比賽，之後每年至少參加一次，佢仲笑住咁話如果唔係入咗行，都會繼續參賽。