讀者來信問，點解你哋成日講國產車㗎？原因係國內好多中外合資車廠，一個唔該加入三百多項改良，就成為世界罕有車種。唔信？睇睇呢部長城車廠送畀古巴總統卡斯特羅嘅哈弗CUV，係為咗慶祝長城汽車打入古巴市場，聽講還配了防彈裝置，成為最長嘅民用防彈車。
這部CUV用咗三菱2.4引擎，車身是車廠自行研發，加入四驅系統和自家美式豪華車廂，有埋電視、酒吧、大圓沙發和國產影音系統，暫時未公開發售，只此一部。
講開防彈車，不得不提世界第一代元首級ZIL-41052防彈車，全球只有22輛。ZIL-41052擁有為B-7級裝甲，車身備配特種防彈鋼板，可抵受F-1手榴彈和手提火箭襲擊，雖然全車重5,550kg，但用咗蘇聯自製嘅引擎，極速高達190km/h。據知蘇聯解體後，美國用盡方法買咗一輛ZIL，改良成美國總統嘅LINCOLN防彈車。
記者：伍旋卓
