早排某電影公司搞咗個私人派對，請咗唔少歌影視界嘅紅星嚟，有位新晉女藝人斷背糖女夠晒主動，見到電影公司個老闆就即刻飛埋去，大獻殷勤，但個老闆就俾佢嚇親，即刻搵身邊嘅隨行人員擋駕，搞到呢位糖女好冇癮。佢發現個老闆冇興趣，又轉向其他導演埋手，但一樣冇人對佢有興趣。關仁覺得呢位糖女太急進啦，咁樣只會嚇親人，如果要襟撈，真係要改吓呢啲做法。