劉偉強（左二）噚日到有線錄影節目《劉偉強好友龍門陣》，請到莫文蔚、麥兆輝、莊文強（右）同陳嘉上（右二）做嘉賓。忙為新片《雛菊》宣傳嘅劉偉強話，套戲喺韓國上映短短日子就已經有百幾萬人次入場。講到由梁朝偉主演嘅新片《傷城》，劉偉強話：「等劇本搞掂先，𠵱家拍戲唔可以馬虎，麥兆輝寫《無間道》都用咗三年。𠵱家唔係香港電影嘅黃昏而係轉型期，近兩年少人開戲，係大家謹慎咗，唔係市道差。」