李克勤、陳百祥、袁彩雲、港姐葉翠翠、陸詩韻及林莉等昨日於奧海城出席無綫《世界盃免費任睇》活動，克勤及阿叻對於老友譚詠麟（阿倫）承認包二奶，公開紅顏知己朱詠婷（Wendy）及兒子譚曉峰的身份表示支持，但克勤對於阿倫的家事表示不便評論，最重要對方開心，更視阿倫為終身偶像。
仲差兩個先夠數
由於阿叻與阿倫相識多年，對於阿倫公開感情事，阿叻說：「最緊要係自己同屋企人活得開心，處理到咪去做囉，雖然社會有啲宗教係一夫一妻制，不過好似回教咁一夫四妻嘅，如果係回教徒，阿倫仲差兩個名額。有幾多個似我咁屹立不倒，只係得個黃杏秀？我覺得只要唔傷害到人，感情嚟到係冇得對抗。」阿叻直認多年來成為阿倫的助力，他說：「我係佢最大助力嘅朋友，佢最初都唔識點去處理，如果我投胎，都想做佢個仔。」
此外，阿倫的老友張國強（KK）昨天到美孚錄影節目，對於阿倫公開家事，KK聽後即裝作不知道，他說：「邊個曉峰呀？換轉係我就唔夠膽講，佢肯咁做達到佢想要嘅目的就得喇！」