《Sweet》4月號步姐大騷身材

要數日本樂壇，我自己真係幾鍾意一姐濱崎步，唱得又睇得，着乜嘢衫都好似幾好睇咁。雖然有報道話佢人氣下滑，但ARENA巡迴演唱會反應熱烈又證明佢仍然有佢嘅吸引力。加上佢一向都是日本妹妹仔嘅潮壇指標，留意吓佢嘅新形象都永有得着。
今期4月號《Sweet》就有步姐做封面，不過最吸引到我嘅反而係佢個胸，好少見佢露得咁「出」，細心一望真係唔覺佢平時咁大咁圓，真係好鬼大！雜誌中步姐有3個Styling，襯晒指甲同髮型，十分有心機！不過，整本雜誌令我睇得津津有味反而係四版短褲攻略，今年夏天短褲當然係必然大熱，攻略中教大家一條短褲多種襯法，有斯文有Sporty、有春天Look有夏天Look，着多幾次都唔覺，絕對合乎經濟原則。