內地有報道話紀錄片《我和藏羚羊──冰河在這裏流過》嘅導演劉宇軍，會告《可可西里》導演陸川抄襲，劉宇軍話自從○四年《可可西里》推出之後，佢發覺戲入面有好多情節、場景甚至對白都同自己嗰套紀錄片好相似。不過陸川就堅持話冇抄襲，仲話前日先知道被起訴。至於出庭應訊，陸川就話開審嗰陣就算自己唔去，都一定會派律師做代表。