譚詠麟日前公開在背後支持自己的兩個女人及兒子身份，昨日出席金像獎記者會的劉德華，多年來獲女友朱麗倩在背後默默支持，對於會否效法阿倫公開女友身份，華仔感同身受回應：「每個人都有自己嘅timetable。」
第二十五屆香港電影金像獎頒獎典禮將於下月八日舉行，大會昨日於文化中心舉行記者會。
免費派發入場券
由於今屆為銀禧紀念，大會將會限量發行以候選影帝為封面的特刊，隨刊附送過去二十四年頒獎禮片段的VCD；而大會更會撥出1500張入場券，在四月二日早上九時起，於香港文化中心及香港大會堂派發，每人限取兩張。
昨日有份出席的應屆候選影帝劉德華，在台上表示很有信心憑《童夢奇緣》奪獎，他笑謂：「我要先聲奪人，因為梁家輝話攞硬影帝，我都覺得係，所以我先至要壯膽。」
譚詠麟日前公開承認自己已婚、另有紅顏知己Wendy，更公開兒子的身份，願為伴隨自己多年的女人負上責任及承諾，對於獲朱麗倩在背後支持多年的劉德華而言，他感同身受地說：「每個人都有自己嘅timetable（時間表），當佢覺得呢個係時候，會畀大家知道啲乜，佢人生規劃得好好，或者唔係佢自己決定，係個天安排佢講，任何人有任何見解，最緊要係當事人開心就得，我當然會接受。克勤結婚同阿倫咁講都係righttime（合適時間）。」
談工作扯開話題
問到華仔心目中的時間表？他扮作豎起耳仔細聽：「我知你會咁問！會聽上天幾時安排，唔知幾時㗎！一路聽上天安排，不過，個天係好曳嘅編劇。」若然安排公開不是很高興的事嗎？華仔嚴肅回應：「開唔開心、相見同分手，都係連住嚟，我唔知點安排，亦唔使嘥時間去安排。」華仔見勢色不對，刻意扯開話題：「大家想唔想知我嘅工作timetable？」
另外，今屆金像獎頒獎禮將會由曾志偉、毛舜筠及杜汶澤擔任司儀；而今年同是二十五歲的鍾欣桐、鄭希怡及薛凱琪則為今屆頒獎禮擔任金像獎大使。
而擔任金像獎大使的鄭希怡表示，會做足功課，她說：「我要睇番之前嘅電影資料，為宣傳金像獎做準備。」而身兼司儀及候選女配角的毛舜筠自言，今次她奪獎機會很大，她笑謂：「過往我攞唔到係因為評審有事，今屆評審質素提高，我今年再唔得就會藐人。」
採訪：張俊銘
攝影：陳偉權
