男人買嘢，每樣事物都當玩具；女人購物，樣樣事都係Fantasy。近日打開嚫電視都見到的收身腰帶，見嚫都忍唔住「咔咔」聲笑：「唔係吓嘩？」，男生眼中，它唯一功用係俾你扮鹹蛋超人玩變身。
當然人人都有個死穴，一點中即刻乖乖畀錢。女人唔買收身腰帶都會想買騎馬機，咁不如買腰帶好了，起碼有得笑！今期Flu講70-90年代，小編成長於80's，死穴之一：就係例如睇見這本Moji出品曼徹斯特音樂特集，$99即刻乖乖奉上，爽手過買新碟。咁爽手係因為情意結，換個詞即係懷舊，等於令壽堂見重播嚫粵語殘片都乖乖坐低睇，見到寶珠姐話演舞台劇又去撲飛。好彩曼市出品，向來多屬佳品，唔數老嘢，近年都有個BadlyDrawnBoy。特集內容其實都係翻炒歷史加訪問，其實係食老本，令人諗起早兩年盛傳「老摩」Morrisey太肥，無人肯幫佢出碟！今日靠新歌鹹魚翻身，我等30'sSomething要好好學習！
＠bun
