女子組合2R的Race和Rosanne、唐寧及唐詩詠昨日到中環為Fancl美白產品做宣傳，眾人齊齊穿上白色服飾以表達美白的效果，可惜Rosanne的服飾竟不及妹妹Race搶鏡，她只以一件淨白色T恤襯短褲，平平無奇，相反妹妹Race就以薄紗吊帶裙示人，並襯以一對喱士芭蕾舞襪，盡展豐滿身材。
與陳文媛好朋友
對於是否取代梁詠琪（GiGi）擔任Fancl代言人，2R雖連聲否認，但亦承認斟洽合作中，她們說：「我哋邊夠膽，而且我哋都鍾意GiGi㗎！不過我哋都有傾緊合作，當然好希望可以長期合作啦。」
Rosanne及陳文媛都曾經和陳冠希傳緋聞，兩人日前出席活動時卻被發現冇偈傾，不過昨日問到Rosanne時，她就大感愕然，並笑說：「大家唔好咁敏感啦，大家係同一間唱片公司，私底下都係好朋友，嗰日仲坐埋同一架車㖭。」
採訪：駱華齡 攝影：陳慧安
