五十九歲的凌女士，早前獲編配入住天水圍公屋天恩邨一人單位，入伙後不久，便因發現乳房有硬塊而入院做手術。她離家入院時，忘記關水喉，回家才發現全屋水浸，床褥也被浸壞，現時只能用薄被鋪地睡覺；加上新屋入伙，尚未有熱水爐，每天只好煲熱水洗澡，極為不便。
凌女士的丈夫於十多年前已意外去世，她並無子女，現時獨居於天水圍一人公屋單位。因為單位面積僅八十呎，她又新遷來不久，故屋內並無多餘家具雜物。「呢度啲電器雜物都係朋友好心畀我，我得一個人住，其實簡簡單單就夠，但係冇熱水爐同床，就真係好唔方便。」
體弱怕冷煲水不便
體弱的她早前才接受乳房硬塊割除手術，出院時才發現全屋水浸，現時只能「打地鋪」。「唔知係咪因為個人身體差咗，𠵱家鋪張薄被瞓上去，都總係覺得好凍。我又冇熱水爐，沖涼又要煲水，沖涼嗰陣又怕啲水凍得好快，所以次次都要快手快腳，怕容易冷親。」
面對只有八十呎的蝸居，凌女士哭笑不得。「我諗我就算要置張床，都只可以揀碌架床，因為上格床可以擺嘢，慳番啲位嘛。」蘋果日報慈善基金了解凌女士情況後，撥款二千元助她購買碌架床及電熱水爐，解其燃眉之急。
捐款編號：C1969
蘋果投訴熱線：29290000
社會服務熱線：29908288
傳真：23702192
電郵：[email protected]