唐唐雖然未知會唔會留低喺政府做財司，不過佢就先安排好班下屬，等佢哋唔使擔心前景。八方聽聞，佢手下猛將袁莎妮將會升做副行政署署長，跟住謝曼怡。
袁小姐係唐唐嘅政務助理，本來喺工商科技局跟唐唐，後來老細臨危受命，做咗司長，唐唐帶埋袁小姐過檔，當時已經成為佳話，人人都笑唐唐錫袁小姐，而Shirley亦話老細好好。
袁小姐九一年加入政府，AO出身，做過政務司辦公室，嗜好包括旅行同看書。佢跟唐唐都算有運行，因為呢個老細腳頭好，一上場就經濟走出低谷，接住失業人數大減，股市暢旺，都係時候放走啲手下去其他崗位學習。
傳真︰2623-9278
電郵︰[email protected]