上周出差公幹首次踏足三藩市，講時裝肯定唔夠大蘋果或者洛杉磯嚟，但以其數一數二至大GayCommunity嘅大名，其文化風俗斷估相當Open，是以對她一直都有少少好感。紐約人靚但太自覺自己靚、L.A.簡直俗不可耐頂唔蒲，但在舊金山逗留數天，所遇路人都相當友善，打扮亦有個人風格（想睇留意日後報道），所以買唔買到嘢都唔太緊要，橫掂地方本身根本唔係以時裝聞名，更何況我想大出血我個荷包唔爭氣呢。
對住凡係美國城市都一定走唔甩嘅A&F或者香蕉共和國，我會揀掂行掂過，之但係入到橫渡大西洋而來嘅H&M，總要跌番些少錢嘅，但講到最鍾意，梗係呢件「歡娛」（UnknownPleasure）啦，基本上黑/白色以前都買咗，自己好少彩雀上身，但彩色Print襯炭灰底又OK喎，唔着當儲都好！
@ahmi
