陳浩民昨出席無綫新劇《搜神傳》開鏡拜神時，第一時間採了拜神燒豬頭上的紅花，夾於手提電話中，寓意攞頭彩，浩民更不避嫌說：「友情同感情生活都好穩定。」更指感情要互相服務，相信其女友佘詩曼一定甜在心頭。
無綫劇集《搜神傳》昨日在將軍澳電視廣播城舉行開鏡拜神儀式，劇中演員陳浩民、鍾嘉欣、譚小環和黃泆潼等均有出席。切豬儀式後，浩民即急不及待在燒豬頭上採摘以蠟紙摺成的紅花，然後夾在手提電話中，原來別有用意。
篤信四面佛
浩民表示此舉是寓意攞頭彩，除了紅花外，還有一張金箔夾在電話中，浩民解釋說：「習慣咗每次拜神都會咁做，運程都唔錯啦。張金箔係拜泰國四面佛時留低嘅，近幾年我都有拜四面佛，而且每年許嘅願都實現，所以會返去還神，最近雖然四面佛被破壞，但都覺得法力依然存在。」而曾公開比喻緋聞女友佘詩曼為生死之交，對感情事浩民直言：「感情係一個互動，你點服務人，人點服務你。我都唔細啦，要求事業多啲，總之友情同感情生活都好穩定。」
鍾嘉欣發炎
浩民現在祈求身上可有六嚿腹肌出現，他笑說：「𠵱家揀緊郭羨妮好，定莫文蔚好，（編按：兩人分別代言人減肥收腰機）睇吓邊隻收腰有效。」此外，鍾嘉欣日前與浩民在溪澗拍攝一場落水戲，導致眼腫及雙耳發炎，鍾嘉欣笑言：「本來我冇乜耳珠㗎，𠵱家發炎腫咗耳珠大咗，證明有福氣囉。」
採訪：卓寶花
攝影：葉君海
