第三十屆香港國際電影節將會喺下個月四號開始，今年大會好努力咁邀請唔少本地以外嘅電影人來港同影迷見面，暫時已答應嚟香港嘅日本藝人就有淺野忠信、栗山千明、宮崎藍、瀨戶朝香、柏原崇。內地導演有賈樟柯、張元同李紅旗，而台灣導演侯孝賢就會帶埋老婆嚟宣傳，至於盛傳會嚟嘅奇洛李維斯（KeanuReeves）就暫時未有聲氣。