森美
「係人都知《無極》唔係拍戲，係拍緊特技，睇怕我條命都唔會拍到陳凱歌嘅戲，所以都唔怕得罪講真話。而WilliamHung如果拍多幾齣爛片，一定會更加大紅大紫囉。我覺得元華同元秋爛係在於佢哋做得太多拍檔，好似電影版嘅森美小儀咁。」
小儀
「《我亞媽發仔瘟》爛到連WilliamHung去咗邊都唔知。黃精甫拍極都係爛仔片，仲唔係爛？而且邊有人撞車撞到好似砌積木咁㗎。張栢芝同真田廣之先係爛搭檔，佢哋先係電影版嘅森美小儀。」
Fion
「最爛拍檔我一定揀《再說一次我愛你》嘅劉德華同蔡卓妍（阿Sa），阿Sa根本就襯唔起華仔，華仔咁有成就，搵埋啲二打六嚟襯華仔就好唔應該。至於梁洛施喺《虫不知》中亦都做得唔好，成套戲嘅感覺怪怪哋，雖然係有環保訊息，但搵梁洛施就唔好。」
張先生
「上年最爛嘅就一定係《阿嫂》，無論演員定導演方面都好差，總之樣樣都差，喺片中好多情節都交代唔清，特別係片中劉心悠同羅仲謙嘅關係點樣發展，都冇乜點交代。至於最爛女主角我就會揀鈴木杏，本身我有睇開原著漫畫，佢個造型完全唔似原著。」
