港姐出身轉投亞視發展的吳亭欣，最近向高雄及武術教練周強拜師學藝，以便拍攝動作場面，最重要是學得一身好武功，防狼嚇退鹹濕佬。
吳亭欣早前拍劇認識高雄，她欣賞高雄的演技，加上對方有深厚的武術造詣，故決定拜對方為師。
高雄除指點吳亭欣的演技，更與周強傳授武術，吳亭欣說：「高雄叔其實有啲似關公，佢嘅眼神好凌厲同嚴肅，要好集中先至敢望佢。」
舞劍雞手鴨腳
有舞蹈底子的吳亭欣表示雖然懂跳舞，但拍劇要應付某些簡單動作，亦感到困難，莫說要拍攝舞刀弄槍的戲份。
吳亭欣舞劍時雖然有點雞手鴨腳，但教練指她初期接受訓練算是表現不錯。吳亭欣說：「未拎起把劍之前以為好容易，原來好難控制，動作功夫同跳舞好唔同，功夫係要狠啲，跳舞就柔和啲。」
搭地鐵被揩油
學習武術除了為工作，吳亭欣表示可以防狼，她說：「我試過搭地鐵企喺度挨住塊玻璃，突然覺得有人摸我側邊腰背位置，我擰轉身問後面嗰個人做乜嘢，點知佢即刻趁開門衝咗出去，諗番起都有啲驚。」
今次吳亭欣更會學一招半式防狼，她笑說：「等我學咗功夫之後，遇到呢啲鹹濕佬，一定有殺錯冇放過。」
採訪、攝影：張俊銘
場地提供：國術體育會
