過去幾年廣州嘅餐飲消費都係全國最高，之不過國家商務部嘅最新數字話，上海舊年已經改寫咗呢個歷史，攞咗全國第一名，全年消費額達到350.3億元（人民幣．下同），廣州只能屈居亞軍，第三係北京，成都同西安就排第四、五。而消費最強嘅廣東省，則首次突破千億元大關。舊年全國嘅餐飲業零售額就有成8,887億元，增長18%；嚟緊有北京奧運又有上海世博，中國餐飲業看來有排旺。