人稱吉叔嘅黃應士噚日同記者解釋公共廣播服務第一輪諮詢結果。退休前係TVB經理嘅吉叔爆料話，TVB因為要播政府嘅宣傳片（即係API），一年損失咗幾千萬！所以就算冇政府台，都唔係話冇途徑幫政府宣傳政策，如果差佬請唔夠人，政府就去搵Twins做番個騷，唱番幾隻唔等使嘅歌，畀電視台賺百幾萬就得囉！
吉叔話，啲市民意見好多而且好不同，有啲建議不如一人一票選公共廣播董事局，仲有個人要求港台恢復播賽馬，因為佢聽港台贏過錢，但就算幾多人支持都好，香港啲公共廣播，一定唔會學美國，因為美國公營廣播嘅經費，超過八成要去出面乞，咁做嘥鬼氣啦！
傳真︰2623-9278
電郵︰[email protected]