大市升近萬六點又見阻力，昨日急跌279點，但炒開的股份好多仍然照炒，好似獲民企之父張化橋加盟的深圳控股（604），昨日獲花旗出報告，話睇目標價3.15元，股價即刻更上一層樓，逆市勁升15.58％，收2.30元，成交股數高達1.32億股，金額3億元。
經紀黃話，近排大陸地產股隻隻勁升，在其地頭深圳坐擁大量地產項目的深控，理論上亦應受惠，但早排唔升，到𠵱家先至識得升，反映出良好投資者關係真係好重要，深控一旦有投資界關係密切的人士坐陣後，大家即時發現原來深控資產豐厚，股價向上飛升。
另外，上市以來因受惠於大陸內需股熱的新宇亨得利（3389），股價一直升得好地地，昨日突然勁跌18.11％，收2.60元，跌幅相當驚人。
經紀黃話，隻股主要受到大陸話由4月1日起調整現行消費稅項目而急跌，新加的項目中，正好就係新宇亨得利賣緊的高檔手錶，芬佬即時有反應沽貨。
慕容小初