鄭中基昨日凌晨到商台接受訪問，談及令他最傷痛的四段情，卻被主持吳君如踢爆楊千嬅是其中一人。鄭中基後來默認去年與千嬅公開結拜為兄妹，是逃避這段感情。
鄭中基（Ronald）昨日凌晨接受由吳君如主持的商台節目《她他她打到嚟》訪問，大談情事。
一直有傳Ronald與蔡卓妍正在熱戀，感情看似穩定，但Ronald昨日竟被吳君如踢爆與楊千嬅的一段情為他帶來極大傷痛，Ronald亦似是暗示與千嬅有可能復合。
「有啲嘢解唔到」
Ronald直言曾有過四段令他感到傷痛的感情，起初吳君如以口形提及女方的名字，Ronald表示同意說：「呢個痛呀！」君如即爆：「痛到要結拜？」Ronald隨即不知所措，無奈地「𠵱」了一聲，君如打蛇隨棍上，問Ronald是否仍愛着千嬅，卻因逃避而與她結拜，Ronald說：「有啲嘢解唔到囉！點樣解都解唔到，拆唔到，呢單嘢拖拖拉拉。」
「兄妹冇嘢嘞啩」
君如又問Ronald時間可否將問題拆開，他說：「唔知㗎喎！我都有諗過其實過多幾年，大家再做多啲嘢，自己過自己嘅生活，大家嘅心態變咗，就唔同講法，但係唔可以扼殺話冇可能。」
Ronald續說：「又冇話講到話『妳等我呀！』呢啲嘢，大家都會關心大家嘅事嘅。其實某個程度上係逃避嘅，啲記者成日問，就不如結拜啦！兄妹冇嘢嘞啩？」
撰文：丁寧
