36.24
是夢寐身段；是忌諱年齡。說身材嘛，省去了重複的36，依然是個沒籮的索女；講到年紀，哪怕是23到64，逢星期四，這裏都屬於我、妳、她的。
「我愛嘅係阿文，唔係香港！」番禺人小芬和港人阿文結婚，但人人也說她只為了一張身份證而「搭上」港男。最可怕是連枕邊人也開始懷疑她會出去「勾佬」。「佢話我無資格同佢做愛，淨係可以用口幫佢！我試過俾佢搞到嘔咗成晚！」以為自己係愛人偏偏淪為洩慾工具。現在，小芬真的想離開這個男人，是環境迫使？還是原形畢露？在香港，還有人相信她嗎？
記者：馬慶武
攝影：何家亮
「我邊喊邊作嘔，佢都要繼續。」
我們不相信她，怪不得，因為我們沒有在番禺認識小芬、沒有和她墮入愛河、更沒有和她結婚、申請她來香港。相戀1年後結婚，等她來香港團聚等了5年的阿文，竟然一樣不信她，沒資格，更沒情沒義。不信任，是到了不想和她性交的地步，但沒情沒義卻還有性，不性交，不代表小芬不用盡妻子的義務──為丈夫解決性需要。「落咗嚟年半後，佢開始唔同我做愛，只要求我用口。」小芬口中的「要求」，是阿文用雙手把她的頭按到他兩腿之間。「頭一兩次無所謂，我只會覺得佢可能忍唔住出咗先唔同我做。」但一次又一次，每次也要小芬屈膝跪在他跟前提供口舌服務。直至那個酩酊大醉的晚上，真相──
「佢嗰晚飲到好醉，一返嚟涼都唔沖又要我幫佢用口，我忍住味覺嗅覺嘅難受滿足佢，點知過咗10幾分鐘依然未完事，嗰陣我真係好想嘔，我最終忍唔住話：『不如我哋做啦？』」小芬說相信當時是一「做」解千愁的大好機會，卻萬料不到阿文爆出一句：「你攞到單程證啦，一定出去勾佬啦！污糟邋遢，我唔會同你做！」阿文說着又再把小芬的頭當洩慾工具「質」回原位繼續衝撞，小芬邊哭邊作嘔，真相──竟可以比惡臭難受！
落紅暴露佔有慾
難受，誰又在乎？小芬完事後衝入廁所狂哭狂嘔，也不知過了多久，回到房中阿文已睡得像爛泥，酒可亂性，但酒後更會吐真言。睡不了熬到天亮，小芬只感到喉嚨痛極，也不知是渴睡還是哭得太久，雙眼腫得差點睜不大！和好希望幻滅，除了享受快感的時候，阿文態度更冷淡。小芬現在居港已兩年，連香港唯一的親人也信任不了，沒有依靠，也找不到工作，回不了鄉下，路，惟有撐着走下去。
然而未來路誰知道？反而回頭望總不經意間靈機觸起早知如此的蛛絲馬迹。經過1年甜蜜的戀愛期，小芬已感到阿文的佔有慾：「我記得第一次做愛，佢見到我『落紅』之後，還一直追問我係唔係處女，問咗成晚先放心瞓得着。」兩個本來不一樣的夜晚，千絲萬縷……
相隔兩地更甜蜜
「無落嚟香港，生活過得仲開心！」小芬由嚮往每天和丈夫相見，到現在回味每星期見一天的生活，只是兩年時間。「嗰陣我幫阿文個朋友做執屋，有次阿文同佢班朋友上嚟玩識咗我。無耐我就轉做菜館侍應，嗰陣佢差唔多每星期都會嚟搵我一次。點追我？都係送花，送吓小禮物，當時我20歲，雖然佢大我10幾年，但佢對我好細心，我哋好似一般小情人咁，感覺好浪漫。」7、8年前，就像剛發生一樣！
據小芬說，阿文樣貌不算英俊，身形肥胖，在港當售貨員，憑這些條件，在港找不到女朋友，也不是出奇事，但小芬卻如獲至寶：「從來無人對我咁好，而且老實講，同香港人拍拖唔多唔少都會有啲優越感，佢仲老實話畀我聽佢做售貨員，我上面好多姊妹話港人鍾意呃人話做生意好有錢。不過最重要，都係真係鍾意先嫁畀佢。」小別勝新婚，結婚後依然分隔兩地，但生活甜蜜。「每星期同佢見一次，有次佢發燒都照上嚟搵我，佢話因為想被我照顧，真係好Sweet。」這句說話後，整個訪問也再看不到小芬甜美的笑容。
紅杏出牆通行證？
5年時間不短，幸福的婚姻沒有褪色，直至小芬拿到單程證來港定居。「結婚後我都聽過佢話佢朋友叫佢唔好申請我落嚟，佢哋話大陸女人落咗嚟香港，有身份證一定搵過個有錢啲靚仔啲嘅，過橋抽板。當時我話你自己決定啦，我都唔係一定要落嚟香港。」不能天天見，希望天天見，還會相信一切問題也可輕易解決。之後阿文當然申請小芬來港，問題當然亦發生了。
性生活美滿惹懷疑
就像新婚一樣，每晚溫馨纏綿，「我講過話唔介意幫佢口交，因為我愛佢，佢都試過幫我用口，所以唔抗拒。」可能性生活太過美滿，阿文開始「悶悶哋」起疑心，小芬話：「初初住埋一齊，差唔多晚晚做，其實我都幾享受性愛，所以無論咩體位我哋都試過。可能因為咁，佢竟然問我點解識玩咁多花式。我第一次畀佢啫，唔代表我真係咩都唔識！從此佢就又話我『大食妹』，又話驚餵我唔飽。開頭當佢講笑，後尾發覺佢真係懷疑我性慾強會出去搵男人。」
床上粗口辱罵
樣子甜美，笑起來還有梨渦的小芬，28歲依然動人，更愛美：「嚟到香港我見到好多靚衫，有時着得性感少少，估唔到會惹阿文討厭！」丈夫外，小芬說壓力還來自四方八面，鄰居聽到她廣東話說得不好，穿得性感，便說她是狐狸精。連丈夫朋友也說：「阿嫂，咁搏命呀？你咁靚唔襯文仔喎！」阿文每次聽到也會「黑面」。就是這樣，小芬不敢再買性感衣服，但阿文的父母親戚還是不放過她，「小芬，你落咗嚟咁耐你父母點呀？阿文唔夠錢養埋你父母喎。」說者無心，聽者卻句句入耳入腦。小芬現已很少再和阿文外出：「佢同朋友出街一定唔帶我去，佢話我講嘢又唔正，又成個北姑，費事影衰佢。」
甚麼勾引男人、甚麼北姑，還不夠侮辱，在街外見不得人，連在床上還要受辱罵。「你叫咁大聲？你咁淫蕩？收聲！收聲！」小芬不介意在丈夫面前露真性情，卻換來更多的辱罵，而且更令人難受，難受程度是不能見報的。「我唔知做錯啲咩，佢竟用粗口鬧我，仲話嫌我污糟，我除咗買餸煮飯，基本上已經無出街，點解佢仲話我出去勾引男人？」
「我唔介意離開香港。」
沒有朋友、沒有親人、沒有工作……甘願生活在只有丈夫、家務和電視機的世界，仍然得不到丈夫信任。阿文已認定小芬在騎牛搵馬，但卻繼續要佔有小芬，糟質小芬，看到小芬作嘔，看到小芬流淚，竟已不再心痛。來港短短兩年，估不到會令本來喜歡自己的人變成討厭自己，看到自己痛苦的表情，他竟然還會興奮。「佢已經開始喺床上用暴力，有時我跪喺佢面前佢會踢開我，之後又叫我返埋去。我真係好驚！佢每晚返嚟又摷我有無收埋佢啲錢，仲話你唔使諗離婚呀！你無得走！咁鍾意勾佬吖嗱，我就要你做我性奴！」小芬現正尋求社工協助，想離婚？「我唔知，我唔介意唔住喺香港，但我對佢仲有感情。總之我好想返鄉下，至少嗰度無人話我係北姑。」小芬走前還說了一句：「記得唔好出我個樣呀！我會死㗎！我淨係想話畀人知大陸女人都有真心。」的確，內地女人可能愛你，亦可能愛香港，對自己沒信心的、對她不信任的，還是不要踏出第一步。
戴套一樣會傳染性病
口交前要沖乾淨涼，亦唔好再去大小便，因為生殖器官接近肛門位置，會有好多細菌，而女方口腔亦應該清潔一下。至於戴避孕套或坊間有售的舌頭套係無用嘅，因為包唔晒，一樣好易會接觸到，所以有性病就算戴咗套都會傳染。性病及皮膚專科醫生黎湛暉：「因為口腔有傷口的機會比下體大好多，所以口交要比較小心。基本上和性交一樣，可以傳染任何性病。好似梅毒可以生喺口中，試過有個女病人舌尖生咗梅毒，而泡疹二型一樣可以生上口。不過如果女方患有傷風、感冒呢類普通病症，就唔會透過口交傳染番畀男方。」
男人應該搵人傾訴
風雨蘭吳惠貞姑娘：「呢類個案我都遇過唔少，因為港男娶國內女人當老婆，很多時候都係老夫少婦，好多時問題並唔係出現喺女方身上，而係老公條件較差而自卑，缺乏安全感，所以害怕老婆出去搵第二個條件更好的男人。曾經遇過有男人會唔畀門匙自己老婆，等佢唔可以外出，亦有男人用暴力控制自己老婆，精神虐待加上肉體虐待，好多時女方開頭係一心一意對待其丈夫，但最後因為丈夫嘅失控而迫使佢哋產生離開念頭。所以唔只女方要搵輔導，有時男方發現出現類似問題都應該搵社工傾談，咁就可以得到正面嘅意見。」
