下月一號係張國榮（哥哥）嘅死忌，佢嘅歌迷將一連兩日喺尖沙嘴星光大道舉行悼念活動，包括喺張國榮星光手印側設獻花區，獻花人士可自備白花到場，另又設有巨型留言板同樂隊演奏哥哥嘅經典金曲。由本月三十一號至下月二號，中環ifc戲院同油麻地百老匯戲院重舉行電影欣賞會，重播哥哥主演嘅電影《金玉滿堂》（圖）同《白髮魔女傳》等。