導演關錦鵬前日應邀出席香港影視娛樂博覽的香港亞洲電影投資會，並透露將開拍由兩對緋聞情侶舒淇與張震，劉嘉玲與胡軍合作拍攝的新戲《花落風流》。該片以五十年代位於香港的上海會所為背景，屬風月艷情片。關錦鵬表示四位主角均已答應演出。
關錦鵬前日出席香港亞洲電影投資會，該活動主要是為亞洲區內電影界精英尋找合作夥伴。關錦鵬透露計劃明年開拍一部新戲，由舒淇與張震、劉嘉玲配胡軍這兩對緋聞情侶主演，片種屬風月艷情片，暫名《花落風流》。
拆散鴛鴦
雖然劇本尚未完成，不過關錦鵬表示《花》片將以五十年代的香港為背景，並以當時的上海會所裏聲色犬馬夜夜笙歌為故事骨幹，但兩對緋聞情侶將被分拆上陣。談到今次邀請兩對緋聞情侶合作，關錦鵬說：「我唔係特登因為緋聞先搵佢哋幾個㗎，如果係都唔會拆開佢哋兩對啦！佢哋大家都知道對手係邊個，不過都答應演出。」
《花落風流》於投資會上「擺檔搵客」，不過關錦鵬卻對投資會的成效存疑，他說：「我成日講笑話一啲有名氣嘅導演就好似坐枱咁，即係知名嘅就有多啲機會（覓得投資者）。搵投資者靠呢啲forum（討論會）根本唔夠，政府應該更主動支持本土電影。」
性格問題
談到其導演電影《長恨歌》在本屆金像獎失落最佳影片和最佳導演提名，不過男、女主角和女配角均成功入圍角逐，關錦鵬表示十分高興。對於鄭秀文（Sammi）拍《長》片時多次被傳患情緒病，他就說：「我同佢都有SMS聯絡，佢經理人郭啟華話Sammi過年前一次過拍幾個廣告，又準時又拍得好開心。我覺得係佢個性問題，我唔信佢真係有病。」
採訪、攝影：藍文浩
