在PCGame界出名有「槍Game遊樂場」的《Battlefield》系列，啱啱新推了《戰地風雲2：歐盟聯軍》加強版《EuroForce》！歐盟飛機大炮新載具呢啲基本嘢就點都走唔甩，但最頂癮者係加入了中國長城做戰場！歐盟部隊竟然如古代蠻夷一樣入侵我境，身為炎黃子孫嘅你同我又點可以忍，大家快啲攞起支AK、給我戰吧！
記者：朱崇德
其實PCGame同家用機遊戲有啲相似，自聖誕打後一直都係出Game淡季，呢個3月仲要冇乜大節日，真係出Game情況更慘「淡」！《Battlefield》系列可算係近年人氣之第一身射擊遊戲，揀呢個時間出《EuroForce》加強版（$80），Gamer餓機咁耐，熱賣就必然！不過今次加強版有啲特別，只係一紙「密碼」、並冇實物CDROM！要想玩就憑密碼上網Download，絕對係大膽的首次！不過隻Game足足有352MB，閒閒哋都要「撈」成粒幾鐘，唔好話「食杯麵」，真係煮「九大簋」都仲得！
網上升級攞隱藏槍
除跟足各國不同編制而佩槍外，連遊戲內坦克、直升機，全部可以坐上去！由於殺傷力龐大，個個好似細路仔咁爭住坐，所以亦有「槍Game遊樂場」之稱譽！新增「遊樂場載具」，當中最強當然係直升機，機身裝載30mm機炮及68mm空對空火箭，絕對係殺人機器。以《EuroForce》為名，加入歐盟式軍備就點都走唔甩，槍枝有極負盛名的FAMAS步槍及HK21通用機槍等，不過隨着軍階不斷升高，例如在線上取得首500分的戰績，就可以由最初二等兵升級為代理下士，並取得隱藏武器；暫知最高軍階為「將軍」，邊打、邊升級兼一路開啟隱藏武備，絕對有種「吸住」人的感覺！
萬里長城戰歐盟
今集還新加入3個版圖，好搞鬼地貼近現實的時事性，如為爭奪中東寶貴石油資產，而在燃燒中油田作戰的OperationSmokeScreen，及以美國被恐怖主義國家進襲為題，歐盟派軍支援期間在著名地標大峽谷開戰的TarabaQuarry等。
最令人投入者，當然係從未登場的「中國長城」；唔知是否中國威脅論的緣故，歐盟竟取得俄羅斯同意，取道其國境從古戰場萬里長城進襲中國，而只要此軍一經突圍，在南方虎視眈眈的美軍就會同歐盟上下夾擊我國，所以絕對是一場不可輸的戰役！眼見網上對戰Server都係以長城做主場，唔知華人會否打得投入啲呢？
鏡頭以外
雖一直打開《BF》系列，不過公司的測試機並冇裝此Game，所以令筆者經歷了一段難忘的裝Game經歷；話說裝增強版要先裝《Battlefield2》，已經玩我成粒鐘，之後要下載「EA下載精靈」，再以其為窗口，下載267MB的《BF2:1.21修正檔》及327MB《BF2:EuroForce》先至可以開機打，順順利利都玩足我成晚，教訓係要早啲買，分段安裝，就唔使受苦受難！
PROFILE
遊戲類型：第一身射擊
對應機種：Windows
遊玩人數：1人（支援Online）
開發商：EA
售價：$80
查詢：E.D.CExpress（27810813）
地址：旺角廣華街1號仁安大廈地下潮流地域商場G11舖
