汪明荃（阿姐）、郭晉安在去年的無綫台慶雙雙勇奪最佳男、女主角，二人昨日為即將開拍的歌舞劇《東方之珠》試造型。曾於劇集《同撈同煲》中扮演新馬師曾，卻收視失手的安仔，今次可望借助阿姐，打破不扮儍仔旺即欠收視的宿命。
汪明荃、郭晉安、佘詩曼、陳敏之及二十多年沒有拍劇的關菊英等人，昨日在將軍澳電視廣播城，為有份演出的無綫歌舞劇《東方之珠》試造型，新劇將以六、七十年代的歌舞團為背景，一眾演員昨日均以一身懷舊造型出現，非常有趣。
個個賣口乖
阿姐在劇中飾演歌舞團領班，更會唱新劇主題曲，問她今次可會出動古着私伙拍劇？阿姐說：「我真係呢個年代出道，不過嗰時好瘦，𠵱家肥咗啲衫都唔啱着。」
劇中演員就個個賣口乖，表示期待與阿姐合作，阿姐亦表示期望與劇中演員擦出新火花，她說：「呢套劇有七成演員都係第一次合作，安仔、阿佘同埋大公仔（關菊英）之前都未合作過拍劇，雖然有部份人平時少唱歌，但係都要畀機會新人。」
安仔去年初曾於劇集《同撈同煲》中扮演新馬師曾，可惜收視卻平平。幸再接拍《阿旺新傳》挽回人氣，更憑儍仔旺一角與阿姐在剛過去的無綫台慶中，雙雙奪得最佳男、女主角。
演失散母子
二人今次在新劇中飾演失散多年的母子，安仔說：「我會喺劇中扮演紅極一時嘅歌星青山同張帝，呢排成日都喺車聽佢哋嘅歌。」阿佘則在劇中飾演一名由黐脷筋至日後成為大歌星的女孩，她說：「知道要錄三首尤雅嘅歌，同埋呢排盡量留意黐脷筋啲人點講嘢。」
陳敏之在劇中飾演長短腳的女孩，她表示經醫生證實本身的確是右腳較短，她說：「醫生話我右邊盆骨多咗舊軟骨，所以平時行路都係好難平衡。」
採訪：卓美娟
攝影：陳偉權
