譚詠麟昨日出席公開活動，雖然他近日喪父，但並未有影響工作的心情，對於有報道指阿倫的正室莎莉與女友Wendy在其父親過身後爭名份，阿倫表示已叫家人不要看那些報道以免受人唆擺與挑撥。
譚詠麟昨日出席在會展舉行的「香港音樂匯展」揭幕禮，擔任亮燈儀式嘉賓，阿倫雖然最近喪父，但沒有因此而影響工作心情。
對於有報道指阿倫的正室莎莉與女友Wendy爭名份，阿倫說：「嗰啲都係啲人一廂情願。自己作嘅小說，我呢啲道行咁高係唔會理，我亦叫咗屋企人唔好睇呢啲報道，唔好受人唆擺同埋挑撥。」
嗅到老父陣味
問阿倫有沒有夢見老父？阿倫說：「夢見就冇，不過噚晚（前晚）凌晨兩點幾瞓覺嘅時候，就聞到佢陣味，係佢最後喺醫院嗰陣味，好近，距離我只有四吋，我冇叫佢，只係喺個心度嗌佢，因為我怕我開口叫佢，佢會嚇親，我都有擘大眼，但就見唔到佢。」
籲帛金代花牌
阿倫表示由於很多殯儀館都爆滿，暫時未能定到設靈日子，他說：「就算有位地方都可能好細，所以我希望啲親戚朋友盡量唔好送花牌，最好做帛金，因為所有帛金都會捐畀明星足球隊慈善基金同埋志蓮淨苑。」
而扶靈名單其實已有初案，不過阿倫表示稍後才公布，他說：「大概會係我老竇生前成日提起嘅人，到時會有一本紀念冊，陳百祥會寫序，曾志偉到時會致辭。」
採訪：胡比 攝影：陳慧安
