吳佩慈昨日穿上性感金色Loewe新裝，往跑馬地馬場出席護膚品牌MethodeJeannePiaubert新推出的八日極速纖腿精華素活動，她更大顯馬上英姿，上馬下馬時均春色無邊。
自稱A餐身材
吳佩慈的身材一直是眾人的焦點所在，她說：「我嘅身材咪係A餐，即係太陽蛋同火腿囉，不過對太陽蛋就跌咗cup，不過咁樣差唔多啦，以前太大太恐怖啦。」不過記者昨日卻發現吳佩慈腋下有明顯的摺痕，未知是否她升cup加工的後遺症。
曾學騎馬的吳佩慈表示上馬一點也不緊張，她說：「我臨上馬前拍拍隻馬嘅膊頭，同佢講『Begood,thatwillbeOK』，輕聲咁同佢溝通先就得啦。」她透露剛由北京抵港，晚上便會返上海工作。
笑稱滿街都是自己走光相的吳佩慈，昨日已在胸前貼滿膠紙，不過仍難逃走光命運，她說：「我個胸𠵱家都有貼完膠紙嘅傷口，舊嘅未好番又要貼新嗰張，我反而最滿意自己對手，而且最捨得為對手扮靚，好似貼水晶甲咁。」
採訪:顏英儀 攝影:陳俊強
