近排XBOX360發力，好多大作搶住出籠，一隻《GhostRecon》更令港版行機連Game齊斷貨！三月尾，盜墓者羅拉更久別重逢，新作《古墓奇兵：不死傳奇》首度登陸XBOX360，到四月先陸續移植至PC、PS2同PSP。
記者：徐影龍
新作改由CrystalDynamics小組開發，令第七代盜墓者介面及系統大幅改動，新鮮感肯定爆燈！從首個版本選擇喺XBOX360上推出，足見廠商有心以高畫質及多變動作為賣點，留住舊有玩家之餘，仲可吸引更多新手入場。遊戲世界因有不少回憶場面，故此會到過往冒險過嘅場景再次探索，而故事大綱都幾吸引，首先係舊作中原以為死去嘅朋友AmandaEvert，喺新作中將會復活登場，仲要係跟羅拉一同爭奪寶物嘅敵人！齋睇劇情已比過往吸引，XBOX360機主值得入貨。