中國糧油（506）一直都有重組嘅消息，現時控股公司先行一步，中糧重組的時機應已成熟。
中國最大兩家國有糧油流通企業，中國糧油食品集團同中穀糧油集團已獲國務院批准合併，中糧集團係中糧母公司，持有68.52%權益。中糧合併中穀，資產達700億元，將被打造成農產品的「超級航空母艦」，日後在糧油貿易業務方面，有力與跨國企業「拗手瓜」。
上月推介中糧，當時收到料，話重組大計快將落實，家下中糧集團先合併中穀，下一步，順理成章輪到中糧。中糧主要產銷食用油、豆粕、糖果和?粉，屬下的長城葡萄酒，係內地3大酒莊之一，亦會成為未來業務發展的主力。
華潤的寧高寧調任中糧已1年，亦係時間進行重組，包括注資和分析，預計中糧將會成為中糧集團在香港的旗艦上市公司，主營農產品和油脂業務，而長城葡萄酒和糖果業務，則會分拆上市，令中糧旗下上市公司所擔當的角色更為清晰。
中資睇10蚊過外
基金界對中糧的重組寄予厚望，中資方面，亦一直有在市場吸納，只要重組一落實，股價應會有突破表現。聽中資報料，佢哋睇好中糧，心目中嘅目標價係10元過外。
中糧股價近日由低位回升，噚日高收4.25元，剛好係下降軌阻力所在，若破位而上，升浪確認，短期上升目標係5.2元。
大市在高位承接力頗強，恒指雖曾回落近60點，但收市只跌7點，成交270億元。社保基金在中央結算開戶，市場憧憬QDII好快會進軍港股，刺激中資股大幅上升，國企指數高收6562，大升101點，其中以保險股表現最突出，金融股次之，呢兩類係社保基金必然吸納嘅對象，後市仲有得上。
唯冠國際（334）終完成整固，噚日發力，衝上1.85元後回收1.83元，升6仙，有大成交配合，短線升浪確認，目標仍為2.15元。世紀陽光（8276）果然對辦，收3.75元，大升7.1%，此股可作中長線持有，股價有機會在現水平再翻一番。
郭兆誠