在新片《父子》中飾演頹廢中年男人的郭富城（Aaron），昨天與楊采妮和林熙蕾等人出席電影記者會時，透露拍攝時他大部份時間都要表現得情緒低落，故曾擔心難以抽離角色。而失去神采的Aaron更因此令有份演出的林熙蕾不過電。
郭富城、楊采妮、林熙蕾和小演員吳澋滔等昨日在灣仔會展出席電影《父子》記者會，楊采妮和林熙蕾同樣穿吊帶衫出席，但以林熙蕾的大露背裝稍勝一籌，成為全場焦點。
儼如父子親密
司馬燕兒子吳澋滔在戲中和Aaron飾演父子，戲裏戲外都表現親密，如在記者會上吳澋滔怕醜地表示沒有真的把Aaron當成父親，但二人不時手拖手，Aaron又對這個「兒子」愛護有加，儼如一對父子。
在《父子》一片中，Aaron飾演一個長期情緒低落的父親，不時與兒子擁抱痛哭，他透露回到現實生活時，要看ＶＣＤ才能抽離角色，他說：「現實中我未試過情緒咁低落，拍咗咁耐我都驚抽離唔到，唔使拍戲嗰日個情緒都會好差，都驚真係抽離唔到角色。但喺馬來西亞拍戲時，就會睇其他戲令自己唔好諗個劇本。」
唔靚仔冇過電
被指眼睛電力十足的Aaron，卻因為做個頹廢父親，而沒有與戲中跟他有一段情的林熙蕾過電，林熙蕾說：「我次次拍戲都同靚仔合作，今次第一次同Aaron合作，不過佢喺戲入面唔做靚仔，所以冇事呀﹗」另外，楊采妮講及與「兒子」吳澋滔拍攝一幕相擁戲份，小朋友因太怕醜最終要清場拍攝。
採訪：胡比 攝影：陳慧安
