周星馳的六師弟林子聰執導的電影《得閒飲茶》，近日入選意大利烏甸尼影展，為慶祝師弟入選，星爺前晚在上環請肥仔聰等打冷，又開新戲給肥仔聰執導以示獎勵。
周星馳、元秋、林子聰、田啟文（田雞）和陳國坤等，前晚八時十五分左右齊到上環尚興潮州海鮮飯店晚膳，原來不少名人明星亦是該食肆熟客，紛紛在簽名板上簽名留念，包括邵逸夫、方逸華、俞琤、朱玲玲和鄭裕彤等。
預祝旗開得勝
星爺搭着元秋膊頭走進食肆，其後眾人應記者要求來個大合照。肥仔聰執導的《得閒飲茶》近日入選意大利烏甸尼影展，未知前晚星爺可是為肥仔聰慶祝？星爺笑說：「成日同佢哋食飯㗎啦！」在旁的田雞忍不住插嘴說：「不過，今日多咗我呢啲人。」星爺聞言後續說：「我祝佢（肥仔聰）大展鴻圖！」全場人士隨即拍手歡呼，預祝肥仔聰旗開得勝。
據知星爺點了清湯翅、凍蟹和東星斑等美食，埋單約八千多元。問肥仔聰誰人做東時，他笑說：「梗係周生啦！」至於星爺可有教誨及忠告，肥仔聰則說：「最老套嗰啲，好似老竇同仔講，要再進步，未夠成熟，可以再好啲。」
着西裝去旅行
今次入選可有收到禮物？肥仔聰說：「開部戲算唔算？星輝畀部戲我開，劇本仲構思緊。」肥仔聰表示很想星爺可以參與新片演出，奈何對方片酬甚高，肥仔聰實在不敢開口叫星爺演出。參展可感壓力？肥仔聰說：「唔會，今次當去見識，同埋畀機會自己做套西裝，去吓旅行。」
採訪：楊潔雯
攝影：陳志嵐
