科技發達，加速人人有機在手的風氣，年輕人自拍成風，不論玩定係創作，都係一種表達、一種紀錄。記得有次去澳洲旅行，去到某個景點必然攞部相機出嚟自拍一番，澳洲人見到都無不稱奇，讚歎點解自拍都可以對到咁正！似乎香港人自拍力量已經非同小可，不知不覺對藝術創作已冒起一股熱誠。
記者：許維雅
攝影：陳智良、何家亮
今年ifva舉辦的「第十一屆香港獨立短片及錄像比賽2005」選舉，以「Everywhere」及「超8」為主題，將整個短片節大概分為三部份：向以拍HandMovie出名的8米厘攝影致敬、鼓勵自拍創作的達人力拍鬧熱自家影像及鼓吹最新的互動媒體（Interactive）創作。當中以達人力拍鬧熱自家影像有星撐場最吸引，可以藉此欣賞各明星其自我創作的一面。
Part1 明星撐場率先拍
１生活中遺忘了美麗
Candy@PixelToy《OnlineEntranceinDark》
記者（記）Candy（C）
記：當初ifva邀請你參與達人力拍自拍短片時，你點樣構思自己段片呢？
C：我覺得就咁影屋企生活、小朋友玩嘅片段會好悶，於是想諗啲有新意嘅構思。我即刻想起我讀CreativeMedia時有個Project係關於用機拍低影印機嘅燈，然後再配合文字便成為一首詩。我覺得好好玩，就立刻開始諗類似嘅拍攝影像。
記：睇過你段片嘅Trailer，只係有一個漆黑嘅畫面有兩點黃光，係乜嚟㗎？想表達啲乜？
C：其實係我將房嘅燈熄晒，睇吓有乜嘢仍然會發光，點知俾我留意到電腦Modem有兩點光，我覺得好得意，於是即刻用機拍低。整段片都是我用手移動部機，令光點在畫面上不同地方出現。我覺得日常生活中有好多嘢都喺我哋身邊出現或存在，但自己唔留意同察覺唔到，好似Modem嘅燈亦有佢美麗嘅一面。
記：就咁睇Trailer好難令人明白係Modem嘅光，到正式上畫時你會唔會加番啲聲或字落去？
C：唔會喇！我覺得今次嘅主題係自家創作拍攝，如果後期加工會失去咗原意。
記：其實自己日常生活鍾唔鍾意拍嘢？
C：我雖然讀CreativeMedia，但好怕後期Production嘅工作，所以我喜歡影相多啲，我試過上天台影啲燈牌射喺天台地面嘅水面倒影，我覺得亦都係平時生活上好少留意但又係好靚嘅藝術品。
2用力去愛
范曉萱《1CloudandFlowers》
小萱交給ifva的作品概要，非常精簡，僅僅簡單地交代一句：Weneedmorepowertolove...（我們需要更多力量去愛）
3像縫起一條裙
HenryLau（FashionDesigner）《PulseNeverEnd》
Herny對自拍的看法：Tome,homemovieisjustlikeasketchbook,insteadofdrawing,writing,usingcameraasatooltoexpressthefeeling,droppingthenote,recordingdownthemood...（自拍電影就如一本草薄，代替用字和圖畫表達生活嘅感覺、心情。）
Sometimes,itislikeascissortocutoutabeautifulpiecesofcloth,tomakeawonderfuldress.（有時，自拍電影就像剪刀去裁出一幅幅美麗嘅布去縫出一條精采嘅裙。）
Part2 8米厘機晒冷
以往用菲林機影相，等曬相時都會有一份期待，會珍惜每一格的菲林，會珍惜每一刻的創作。值得收藏的除了大電影HandMovie的菲林創作，也必定令人想起8米厘攝錄機。「超8」迄今已超過四十年歷史，今次ifva三樓將展出多部HandMovie機珍藏，表揚一直堅持以超8機拍攝的創作人。
Isaac（ProgramDirector）：
負責邀請達人力拍嘉賓的聯絡，收到咁多片最深刻嘅感覺係有好幾位嘉賓都影BB，但每個人出來效果同感覺都唔同，更令我覺得自家拍攝創作真的可以表達每個人獨立嘅Style。
香港獨立短片及錄像比賽總監Teresa：
希望透過今年活動向堅持以超8機拍攝的創作人致敬，他們對藝術創作嘅熱心絕對值得我們欣賞。
BraunNizo801Marco-TrickSet
十分珍貴的8米厘BoxSet有齊全套十分少見，仲要保存得咁新淨。
其餘不同年代HandMovie機
Part3 現場玩最新媒體
科技一日一日進步，互動媒體已成為藝術表達的大趨勢，為表達由最舊的8米厘拍攝至最新的科技發展，今年短片節專誠由荷蘭請來國際知名媒體先鋒V2展示最新示互動媒體科技（StalkShow）。StalkShow係透過一部類似手提電話的機器在公眾場所流動，再即時以大銀幕放出表達者嘅樣和文字。
其他互動媒體
創作入圍者展覽
以遊戲形式令欣賞者透過合作，完成參與創作者嘅設計。
達人力拍鬧熱自家影像放映會+討論會
時間：3月23日（明天）9:00pm
地點：香港太空館演講廳
門票：$50（$30學生票）
售賣點：城市電腦售票網
查詢：25820200（香港藝術中心）
