「有人問企鵝可唔可以燒嚟食？」海洋公園將踏入三十周年，四名開園功臣娓娓道來公園的變遷，當年遊人尤其內地客對海洋生物認識不深，誤以為企鵝等同燒鵝，而纜車已是最「激」的機動遊戲。
海洋公園高級水族部監督鄭初六將退休，但不捨得大群海洋生物，三十年前加入公園前為漁民的六叔坦承，曾獵殺鯊魚：「用個大網拖死佢哋，然後拉上船生割。」加入海洋公園後放下屠刀，更需管理鯊魚館，鯊魚不念舊惡最愛親近他：「𠵱家唔食魚翅，唔捨得呀！」
否認有人纜車墮下亡
海洋哺乳類動物部營運經理鍾浩文，雖無親自「生」九條在港繁殖的海豚，但生娘不及養娘大，海豚已與他心靈相通：「我唔開心，佢哋會望住你，好似問做乜唔開心呀？」他說十多年前不時聽到有人問企鵝等是否可食用，他都解釋該等生物面臨絕種，應予愛護：「𠵱家好少再聽到人咁問。」
纜車是海洋公園生招牌，纜車部助理經理陳焯威說，當年吸引不少貪刺激遊客，但隨過山車、跳樓機等更刺激遊戲推出，纜車已成為悠閒地欣賞風景的交通工具。談起曾傳出有人因纜車墜下而死的謠言，他心生不憤：「根本冇咁嘅事，啲人亂傳。」
海豚、鯊魚或新成員水母能開心暢游，都有賴幕後功臣維生系統部助理經理鍾偉熾，每天監測水質及溫度，而多年前一場意外，令他行事更謹慎：「試過有次喺魚缸加咗啲氣泡，有啲魚死咗。」
記者：翁煜雄