香港學生為應付公開試，補習成風，針對考試技巧同操練試題嘅補習社應運而生，更造就咗一批標榜後生嘅明星級導師，唔少人身家豐厚，好似英皇教經濟科嘅王牌導師KevinKo，○三年以千一萬買入青山公路浪濤灣獨立屋，喺舊年再以千八萬買埋隔籬屋，揼五百萬打通，裝修成六千呎相連大屋自住，呢間超級豪宅啱啱畀個退休廠家睇中，以逾半億收購，呎價高近八千七，作為退休享福之用，補習天王賣樓套現，大賺二千二百萬，好過補習多多聲。
呢單交易，唔單止震撼補習界，就連地產界人士都話經典，因為青山公路呢區，鮮有咁大碼嘅交易，而且呎價創歷史新高。
中原青山公路高級分區經理何志旋透露，上述相連大宅合共面積接近六千呎，連二千六百幾呎私家花園，兼有私人碼頭，屋大景靚，非常罕有，原業主KevinKo打通兩屋自住唔夠一年就易手，升值七成幾，投資有道，不愧為經濟科名師，唔知佢有冇將呢單成交當教材咁傳授畀佢班學生呢?
電郵地址：[email protected]
樓市投訴
買樓是一生重大的投資
若讀者遇上無良奸商、蠱惑經紀，請挺身舉報
蘋果投訴熱線：29290000
傳真：23703886
電郵：[email protected]